👛გაინტერესებთ, თქვენ მიერ მოწონებული Chanel-ის ჩანთა ორიგინალია თუ ყალბი? ამაზე პასუხი ხელოვნური ინტელექტის დახმარებით, ახლა უკვე მარტივად გექნებათ – AI-ს შეუძლია ამოიცნოს, არის თუ არა ნივთი ე.წ. “ფეიქი”. 💭
🤖Entrupy არის ტექნოლოგიური სერვისი, რომელიც იყენებს დიზაინერების ჩანთების და აქსესუარების მონაცემებს, რომელსაც სისტემატურად ანახლებს და სწორედ ამ სერვისის საშუალებით დგინდება, კონკრეტული პროდუქცია დიზაინერის მიერ შექმნილი რეალური ნივთია, თუ – არა.
💻Entrupy 2012 წელს დაარსდა და მას შემდეგ ეს ტექნოლოგია ასობით გადამყიდველში გამოიყენება; განსაკუთრებული პოპულარობით კი ვინტაჟური პროდუქციის გადამყიდველებში სარგებლობს.🎞ირკვევა, რომ AI-ის თანაკვეთა ამ სერვისთან ბიზნესისთვის საკმაოდ მომგებიანია: ზრდადი ინტერესის კვალდაკვალ, დიზაინერების შექმნილი ნივთების ორიგინალობით დღითიდღე მეტი ადამიანი ინტერესდება და, შესაბამისად, Entrupy-იც სულ უფრო ხშირად გამოყენებადი AI სერვისი ხდება.📱
ამჟამად სერვისის ბაზაში, ძირითადად, ძვირად ღირებული პროდუქტებია თავმოყრილი: ამ ეტაპზე ავტორიზაცია ისეთ ფუფუნების ბრენდებს აქვს, როგორებიცაა Balenciaga, Burberry, Gucci და Louis Vuitton. შესაბამისად, გადამყიდველები ხელოვნური ინტელექტის გამოყენებით ფრთხილობენ და ცდილობენ, მხოლოდ ორიგინალი ნივთები შეიძინონ.
『”Entrupy-ის მთავარი არსი მესამე მხარის მიერ პროდუქციის გადამოწმება და ნდობის ამაღლებაა. მომხმარებლებს შეუძლიათ, დარწმუნდნენ ნივთის ორიგინალობაში, რადგან ამას მხოლოდ ერთი ადამიანი [გამყიდველი] აღარ ეტყვის, ამას გააკეთებს ხელოვნური ინტელექტი – სანდო და მუდმივად განახლებად ბაზაზე დაყრდნობით,”』 – ამბობს Entrupy-ის დამფუძნებელი და აღმასრულებელი დირექტორი ვიდიდუტ სრინივასანი ჟურნალ ELLE-სთან ბოლო ინტერვიუში.
თუმცა, უნდა გავითვალისწინოთ ისიც, რომ Entrupy 100%-ით ზუსტ მონაცემებს ვერ გვპირდება, კომპანიის აღმასრულებელი დირექტორის თქმით, მას შეუძლია მხოლოდ აქსესუარების ავთენტურობის დადგენა ძირითადი ბრენდებისგან, რადგან სწორედ ეს უკანასკნელია ყველაზე ხშირად “თაღლითობისკენ მიდრეკილი ობიექტი”.
