ბრიტანეთის ერთერთ საავადმყოფოში – Great Western Hospital-ში ოპერაციებს რობოტები ატარებენ. ამის შესახებ BBC იუწყება. გამოცემის ცნობით, ამ ინოვაციურ და საპასუხისმგებლო საქმიანობაზე დაკვირვების შესაძლებლობა დაინტერესებულ სტუდენტებს მიეცათ და მათ ე.წ. “რობოტულ ქირურგიაში” პრაქტიკული გამოცდილებაც მიიღეს. სტუდენტები VR სათვალით დააკვირდნენ სამედიცინო მანიპულაციების პროცესებს, რომელთაც ქირურგიული აღჭურვილობის გამოყენებით რობოტი ექიმები მართავდნენ.
CMR Surgical-ის რობოტი დღის ძირითად ნაწილს საექთნო საქმიანობას უთმობს და წვლილი რობოტულ ქირურგიასა და ინჟინერიაშიც შეაქვს. Great Western Hospital-ის ექიმები ამბობენ, რომ რობოტი ქირურგების ყოლას დიდი სარგებელი აქვს, რაც ნიშნავს პაციენტისთვის ნაკლებ ტკივილს და უფრო სწრაფ გამოჯანმრთელებას.
გასულ წელს Great Western Hospitals-მა აიღო უახლეს ტექნოლოგიებში ინვესტირების ვალდებულება, რომლის განხორციელებაც დიდ ბრიტანეთში, კერძოდ, სვინდონში შეძლო. ჰოსპიტალთან ერთად, ქირურგიული რობოტების შესაძენად მსხვილი ინვესტიცია ჩადეს Royal United Hospitals Bath NHS Foundation Trust-მა და Salisbury NHS Foundation Trust-მაც.
Versius-ის აპარატი, რომელიც აღნიშნულმა ფონდებმა შეიძინეს, ქირურგებს უფრო მაღალი დონის სიზუსტით მუშაობის და რთული პროცედურების მეტი ხელმისაწვდომობით შესრულების შესაძლებლობას აძლევს; ამასთან, რაც ყველაზე მთავარია, აპარატი პაციენტის უსაფრთხოების მაღალ დონეს უზრუნველყოფს.
