ბოლო რამდენიმე წელია, საქართველოში ონლაინ გაყიდვებმა მნიშვნელოვნად მოიმატა – ხალხი თითქმის ყველა სახეობის პროდუქციას ვირტუალურად, ონლაინ მაღაზიებში იძენს და რამდენიმე დღეში მსოფლიოს სხვადასხვა ქვეყნიდან ამანათის სახით მათთვის სასურველ ლოკაციაზე – გადამზიდი კომპანიის ფილიალში, საკურიერო სერვისით ან ელექტრონული კარადის – იგივე ლოქერის საშუალებით იღებს.
ლოქერი საქართველოში 2019 წელს გამოჩნდა და ის ამერიკული გიგანტის – Amazon Locker-ის ანალოგია. ამ მაღალტექნოლოგიური ინოვაციის ჩვენს ქვეყანაში დანერგვით, საფოსტო-საექსპედიტორო ინდუსტრიაში კომპანია USA2GEORGIA-მ კიდევ ერთი სიტყვა თქვა. საინტერესო კი ისაა, რა მსგავსება და განსხვავებებია ქართულ და ამერიკულ ლოქერებს შორის.
ონლაინ მაღაზიაში პროდუქციის შეძენის შემდეგ მის მიღებას, როგორც წესი, მოუთმენლად ველით ხოლმე. თუმცა, ყოველთვის ზუსტად არ ვიცით, ამანათის მიღების მომენტში სად ვიქნებით – სახლში, სამსახურში, ბიზნეს ცენტრში, სპორტ დარბაზში, მეგობართან თუ სადმე კაფეში. ზოგჯერ კურიერის გამოძახებაც არაა მაინცდამაინც კომფორტული ალტერნატივა, რადგან მისი მოსვლის დროს შესაძლოა, სამსახურში პრეზენტაციას ამზადებდეთ, ან უბრალოდ ტელეფონს ვერ უპასუხოთ. შესაძლოა, ამანათში მოთავსებული პროდუქცია საჩუქარია, რომელიც გსურთ, რომ მეგობარს ინკოგნიტოდ გადასცეთ.
მოკლედ, მიზეზი ბევრია, გადაჭრის გზა კი წარმოუდგენლად მარტივი – ლოქერი.
კომფორტულობა და მოქნილობა ის თვისებებია, რაც ქართულ და ამერიკულ ლოქერებს თანაბრად ახასიათებს.
როგორც აშშ-ში, ისე საქართველოში ლოქერები უამრავ ადგილასაა განთავსებული: კვების ობიექტებში, ბენზინგასამართ სადგურებზე, ბიზნეს ცენტრებში, სპორტულ დარბაზებთან ახლოს და ა.შ., ეს კი იმას ნიშნავს, რომ ამანათის მისაღებად ისეთი ადგილის შერჩევა შეგიძლიათ, რომელიც თქვენთან მაქსიმალურად ახლოს იქნება. მთავარი კი ისაა, რომ ლოქერიდან ამანათის მიღება დღე-ღამის ნებისმიერ მომენტშია შესაძლებელი.
კიდევ ერთი საერთო თვისება, რაც Amazon-ის და USA2GEORGIA-ს ლოქერებს აქვს, უსაფრთხოებაა. ლოქერები მეტალის ელექტრონული კარადებია, რომლებიც სპეციალური კოდის აკრეფის შემდეგ იხსნება და თითოეულ უჯრაში განთავსებული პროდუქციის შიგთავსიც მხოლოდ კოდის მცოდნე პირისთვისაა ხელმისაწვდომი. ასეთი კი თქვენ ხართ.
თუ ჯერ კიდევ არ გისარგებლიათ ლოქერით, მარტივად გაგაცნობთ მის სხვადასხვა მახასიათებელს:
➤როგორ მუშაობს ლოქერი?
ლოქერით სარგებლობისთვის სულ რამდენიმე ნაბიჯია: პირველ რიგში, უნდა შეარჩიოთ თქვენთან ყველაზე ახლოსმდებარე ლოქერი. ლოკაციებს ლოქერის ოფიციალურ ვებ-გვერდზე, რუკაზე იპოვნით. აქვე მითითებულია სამუშაო დღეები და საათებიც. შეგიძლიათ, ლოქერით მხოლოდ ერთჯერადად ისარგებლოთ, ან ყველა ამანათი ამ ჭკვიანი, ელექტრონული კარადიდან მიიღოთ.
ამანათის ლოქერში განთავსების შემდეგ, თქვენ მიიღებთ SMS შეტყობინებას და კოდს, რომლის საშუალებითაც კარადის გახსნას შეძლებთ. ციფრებიან კოდთან ერთად, შტრიხკოდიც გექნებათ, რომელსაც წამკითხველს მარტივად დაანათებთ და უჯრა გაიხსნება. შემდეგ ამანათს აიღებთ და უჯრას დახურავთ. დეტალურ ინფორმაციას იმის შესახებ, თუ რა ღირს USA2GEORGIA-ს მაღალტექნოლოგიური ლოქერით სარგებლობა და რა ზომის ამანათების განთავსებაა მასში შესაძლებელი, LOCKER.GE-ზე, ხშირად დასმული კითხვების კატეგორიაში მიიღებთ.
➤ალბათ, ისიც გაინტერესებთ, რამდენ ხანს გაჩერდება ამანათი ლოქერში?
ამერიკული ელექტრონული კარადის შემთხვევაში, ეს ვადა – 3 კალენდარული დღეა. LOCKER.Ge-ის შემთხვევაში კი, თბილისის 50-მდე ლოკაციაზე მდებარე ლოქერებში ამანათები 48 საათით ინახება, რეგიონებში – 4 დღის განმავლობაში.
➤რა ხდება, თუ ამანათს ლოქერიდან დროულად ვერ გაიტანთ?
AMAZON LOCKER-ის შემთხვევაში, თუ მომხმარებელმა ნივთი 3 დღეში არ გაიტანა, მას Amazon-ი საკუთარ საწყობში აბრუნებს. USA2GEORGIA-ს ინოვაციური ლოქერიდან ამანათის გატანის ვადაგადაცილების შემთხვევაში, ის მომხმარებლის მიერ წინასწარ შერჩეულ USA2GEORGIA-ს ფილიალში დაბრუნდება.
და თუ ჯერ არ გისარგებლიათ ლოქერით, შეგიძლიათ, სცადოთ და გამოცდილება გაგვიზიაროთ. ტექნოლოგიის განვითარების მთავარი მიზანი ხომ ჩვენთვის – ადამიანებისთვის ცხოვრების გამარტივებაა! სწორედ ამას ემსახურება ლოქერიც.
