USA2GEORGIA-ს შემოქმედებითმა გუნდმა ახალი პროექტი წამოიწყო სახელად “მეტამორფოზა”. პროექტის შესახებ ვრცლად პროექტის იდეის ავტორი და ქოფირაითერი მოგვიყვება.
– რას ემსახურება პროექტი „მეტამორფოზა“?
– ახალი პროექტი თავისი არსით მთლიანად ადამიანებს, მათ შინაგან თუ გარეგან, სოციალურ სამყაროს ეძღვნება. ის ეძღვნება ადამიანების სულიერ თუ პროფესიულ გარდასახვებს – რა გვასწავლა ან რას გვასწავლის ესა თუ ის მოვლენა ჩვენს ცხოვრებაში; როგორ ვაქციოთ პიროვნული სისუსტეები ჩვენს ძლიერ მხარედ, როგორ გარდავქმნათ ცხოვრება ახლა, ამ წამიდან – უკეთესებისკენ.
ვთვლით, რომ პირველ ეტაპზე – იცვლი აზრს, შეხედულებას, შემდეგ იცილებ გარკვეულ ბარიერს “გზიდან” და ბოლოს კი შენს ნამდვილ მე-სთან შეხვედრისას – იწყება დაუვიწყარი თავგადასავალი სახელად “მეტამორფოზა” და, ჩვენ გარდავიქმნებით.
ამას ჩვენი სტუმრები თავიანთი ცხოვრებისრეული მაგალითებით დაგვიდასტურებენ.
პროექტის ფარგლებში გადაღებული ინტერვიუები მთლიანად – რეალურ ფაქტებსა და გამოცდილებაზე იქნება დაფუძნებული და მიხვდებით, რომ გამოსავალი ისევ ჩვენში, საკუთარი ძალების რწმენაში უნდა ვეძიოთ!
– საიდან გაჩნდა პროექტის იდეა?
– ბოლო დროს, ადამიანები ხშირად ვსაუბრობთ საზოგადოებაში დაბადებულ განსაკუთრებულ აგრესიაზე და დიახ, ამას ყველანი ვამჩნევთ, თითქოს ერთმანეთთან საკომუნიკაციოდ – არც ისე ზრდილი ტონიც კი გვაქვს შერჩეული.
კითხვას “საიდან გაჩნდა იდეა” სანამ ვუპასუხებ, დავსვამ კითხვას – “საიდან გაჩნდა ამხელა აგრესია ჩვენს საზოგადოებაში?”
იქმებ არარეალიზებული ენერგიის ბრალია?!
იქნებ უფუნქციოდ ვგრძნობთ თავს?!
პასუხი: ორივე პასუხი სწორია.
ამან მიგვიყვანა მთავარ აზრამდე, რომ ადამიანებს სჭირდებათ დახმარება – საკუთარი ძალების რწმენის მოსაპოვებლად, რათა ბიძგი მიეცეთ ნებისმიერი სასიკეთო ქმედებისკენ!
გვწამს, რომ ადამიანის შესაძლებლობები უსაზღვროა – მათ შორის უარყოფით კონტექსტშიც და ამიტომ უნდა ვიცოდეთ – სად გადის “ზღვარი”.
ბოლო წლის განმავლობაში არაერთი სასარგებლო კამპანია იყო სწორედ “მოქმედებისკენ” მამოტივირებელი შინაარსის. თუმცა ეს მოწოდება ფუჭი იქნება, თუ ადამიანები საკუთარი თავის რწმენას ვერ შევძლებთ. მოქმედების დიდ ნაბიჯამდე კი სწორედ, ეს ფაქტორი გვაშორებს – ურწმუნობა და საკუთარი თავის მიუღებლობა.
დიახ, ხშირად თავად ადამიანებმა არ იციან, რომ სხვათა მიმართ გამოვლენილი აგრესია, პირველ რიგში, სწორედ – საკუთარი თავის უსიყვარულობისგან მომდინარეობს.
და, სწორად შერჩეული სტუმრები თავიანი გამოცდილების გაზიარებით – მაყურებელს სტიმულს მისცემენ, აღმოაჩინონ საკუთარი თავის რწმენა და სიყვარული.
ეს არ იქნება ფუჭი შთაგონება, ეს იქნება მეგობრობისა და ერთმანეთის გაძლიერების მუხტი!
– რის მიხედვით აარჩევთ სტუმრებს?
– პროექტის სტუმრები სწორედ, მეტამორფოზის, გარდასახვის თავისეულ ვერსიასა და ცხოვრებისეულ გამოცდილებაზე ისაუბრებენ.
სხვადასხვა პროფესიისა და მენტალობის ადამიანები ჩვენთვის ისაუბრებენ და დაგვეხმარებიან იმ მნიშვნელოვანი ნაბიჯის გადადგმაში – რასაც საკუთარი თავის აღმოჩენა და შეყვარება ჰქვია.
ისე უნდა გიყვარდეს საკუთარი თავი, რომ უფლება არ მისცე, დრო დაკარგო და ცხოვრება ფუჭად განვლო!
გვჯერა, რომ თითოეულ ჩვენგანს შეუძლია, სხვა ადამიან(ებ)ს შეუმსუბუქოს ცხოვრება და უმნიშვნელივანესი ფუნქციაც კი შეიძინოს საზოგადოებრივ ცხოვრებაში – სხვათა კრიტიკისა და აგრესიის გამოვლენის სანაცვლოდ.
– მაყურებელს თუ ექნება უკუკავშირის შესაძლებლობა?
– მაყურებელს აუცილებლად ექნება უკუკავშირის საშუალება და პროექტის ყოველ მომდევნო ნაწილში გავითვალისწინებთ მათ თხოვნას, რჩევას, კითხვასა თუ შენიშვნას, რადგან ეს პროექტი მათია და უკუკავშირის გარეშე ცოცხალი პროცესი არ შედგება.
გვსურს, თითოეულმა მაყურებელმა გაითავისოს, რომ აღნიშნული პროექტი არის მათი და მათთვის სასურველი და სასარგებლო სცენარით განვითარდება პროექტის თითოეული ეტაპი.
და, აქვე მათ წინასწარ მადლობას გადავუხდით მოსალოდნელი აქტიური ჩართულობისთვის!
გადაცემას #მეტაMOREფოზა იხილავთ USA2GEORGIA-ს YOUTUBE-არხზე!
