Tesla ჰუმანოიდი რობოტის Optimus-ის გაყიდვების დაწყებას აანონსებს. ამერიკული Forbes-ის ინფორმაციით, ელონ მასკმა სამშაბათს ინვესტორებთან შეხვედრაზე განაცხადა, რომ ჰუმანოიდი რობოტი გაყიდვაში მომავალი წლის ბოლოს ჩაეშვება. Tesla-ს დამფუძნებელი იმედს იტოვებს, რომ ის რობოტებისგან უფრო მეტ შემოსავალს მიიღებს, ვიდრე – ავტომობილებისგან.
Tesla-ს Optimus-ი ჯერ კიდევ განვითარების პროცესში მყოფი ჰუმანოიდი რობოტია. წინასწარი ცნობებით, 2024 წლის ბოლოს ის ქარხანაში საჭირო დავალებების შესრულებას შეძლებს, ხოლო მომავალ წელს – ბაზარზე გასაყიდად გამოვა. ელონ მასკი თვლის, რომ Tesla არის „ყველაზე კარგად აღჭურვილი კომპანია ჰუმანოიდური რობოტების მწარმოებლებს შორის“.
ჯორჯიის ტექნოლოგიის ინსტიტუტის ხელოვნური ინტელექტის რობოტიკის ასისტენტ-პროფესორის ანიმეშ გარგმის შეფასებით, ჰუმანოიდი რობოტის გამოშვების თარიღი რეალურია, თუმცა მას კითხვა აქვს: “რამდენად სასარგებლოა ის უნარები, რომლებიც ამ რობოტს ექნება“. ეს კითხვა კი მეცნიერს იქიდან გამომდინარე გაუჩნდა, რომ წინასწარი ცნობით, Tesla-ს ჰუმანოიდ რობოტს კიდურები ექნება. თუმცა უცნობია, რა ფუნქციებში გამოიყენებს მას რობოტი.
