მოხარული ვართ გაცნობოთ, რომ კომპანია USA2GEORGIA-მ აშშ-დან საქართველოში უკვე 3 მილიონამდე ამანათი ჩამოიტანა! მადლობას ვუხდით ყველა ჩვენს მომხმარებელს ერთგულებისა და თანადგომისთვის!ეს ფაქტი აშშ-ში USPS ფოსტას უყურადღებოდ არ დარჩენია და მათ ახალი, საკუთარი ZIP კოდი: 19726 მოგვანიჭეს (ძველი ZIP კოდი 19720 ასევე ჩვეულებრივ ფუნქციონირებს). ეს კი იმას ნიშნავს, რომ ახალი ZIP კოდით სარგებლობის შემთხვევაში, მაღაზიიდან ჩვენს მისამართამდე USPS-ით გამოგზავნილი ამანათების ტრანსპორტირების დრო შემცირდება.
საკუთარი ZIP კოდი ამერიკაში საკმაოდ დიდი ფუფუნებაა და USPS მას მხოლოდ სახელმწიფო ორგანიზაციებს გადასცემს, ასევე კომპანიებს, რომელთა ამანათების ბრუნვა ჩვეულებრივზე საგრძნობლად დიდია. მათ შორისაა: თეთრი სახლი, “Empire State Building”, ვოლ-მარტის სათაო ოფისი, “Saks 5th Ave”, ამაზონი, ჯენერალ ელექტრიკი და სხვა.
გთხოვთ გაითვალისწინოთ, რომ თუ ონლაინ მაღაზია ყიდვისას ახალ ზიპ კოდს – 19726 შემოგთავაზებთ, შეკვეთა ჩვეულებრივ დაადასტურეთ.
