Amazon Nova – გიგანტი ამერიკული კომპანია Amazon-ის მორიგი ინოვაციური პროექტია. ის ბოლო თაობის გენერაციული ხელოვნური ინტელექტია, რომელსაც განახლებული შესაძლებლობები აქვს – Amazon Nova-ს საშუალებით, მომხმარებლებს შეუძლიათ AI სხვადასხვა ამოცანებისთვის გამოიყენონ (ვიდეოების, სქემების და დოკუმენტების გაგება ან მულტიმედიური კონტენტის შექმნა). ამ ინოვაციური უნარების წყალობით, Amazon Nova მომხმარელებისთვის, საწარმოებისა და დეველოპერებისთვის რთულ AI აპლიკაციებს გაამარტივებს.
Amazon Nova სხვადასხვა საჭიროებაზე მორგებულ მოდელებს გვთავაზობს. მის ფუნქციებს შორისაა სწრაფი, მოკლეტექსტური შეტყობინებების შექმნა მაღალი სიჩქარით და დაბალი ღირებულებით. Amazon Nova Premier გამოირჩევა რთული მსჯელობითა და სხვადასხვა მოდელის სწავლებით, ხოლო Amazon Nova Canvas და Reel სპეციალიზირებულია სურათებისა და ვიდეოების გენერირებაში. ხელოვნური ინტელექტის ეს მოდელები, კონკურენტებთან შედარებით, რამდენიმე დეტალით გამოირჩევიან – ისინი 200-ზე მეტ ენას ფლობენ და ხარჯების მნიშვნელოვან დაზოგვას გვთავაზობენ.
Amazon Bedrock-ის საშუალებით მომხმარებლებს შეუძლიათ, დაარეგულირონ Amazon Nova-ს მოდელები საკუთრების მონაცემებით, რაც გაზრდის სიზუსტეს და შესაბამისობას. ის უზრუნველყოფს სიზუსტეს კლიენტის სპეციფიკურ მონაცემებში პასუხების დასაბუთების გზით, რაც ამ მოდელებს ფასდაუდებელს ხდის აპლიკაციებისთვის, რომლებიც საჭიროებენ მორგებულ, მონაცემებზე დაფუძნებულ შედეგებს.
Amazon Nova-ს ხელოვნური ინტელექტის ჩამოთვლილი მოდელები საუკეთესო დამხმარეა კონტენტ კრეატორებისა და რეკლამის განმთავსებლებისთვის. მაგალითისთვის, გეტყვით, რომ Amazon Ads-მა გამოიყენა Nova Canvas და Reel-ი ინოვაციური ვიდეო კამპანიების შესაქმნელად, რაც ბრენდებს სარეკლამო წვდომის გაფართოებაში დაეხმარა. ხელოვნურმა ინტელექტმა შექმნა ვიზუალურად მომხიბვლელი რეკლამები, როგორიცაა “Pasta City” კონცეფცია, რომელმაც გააცოცხლა პროდუქტები წარმოსახვითი ვიდეო კონტენტის საშუალებით.
ასე რომ, Amazon Nova-ს ნამდვილად აქვს მაღალი პოტენციალი აღწერითი შინაარსისა და სოციალური მედიის წარწერების გენერირების მიზნით, რაც ასახავს, თუ როგორ შეუძლია AI-ს გააძლიეროს შემოქმედებითი მარკეტინგული სტრატეგიები.
Amazon Nova-ს მოდელები ხელმისაწვდომია Amazon Bedrock-ზე. სატესტოდ, მომხმარებელს მოდელებზე წვდომა და ექსპერიმენტის ჩატარება ერთი API-ით შეუძლია.
